विजय देवरकोंडा आणि रश्मिका लपत-छपत कुठे निघाले? Video पाहून नेटकऱ्यांनी लावायचा तो अंदाज लावलाच

विजय देवरकोंडा आणि रश्मिका लपत-छपत कुठे निघाले? Video पाहून नेटकऱ्यांनी लावायचा तो अंदाज लावलाच

मुंबई : दक्षिणेतील लोकप्रिय अभिनेता विजय देवरकोंडा आणि अभिनेत्री रश्मिका मंदाना हे दोघंजण एकत्र दिसत आहेत. त्यामुळे त्या दोघांमध्ये प्रेम फुलत असल्याची जोरदार चर्चा सुरू आहे. अर्थात या दोघांनीही त्यांच्यातील नातेसंबंधांवर अद्याप तरी जाहीर भाष्य केलेलं नाही. परंतु त्यांच्यातील प्रेमाची चर्चा मात्र सतत होत आहे. आता देखील हे दोघंजण विमानतळावर दिसून आले. भलेही दोघंही जण वेगवेगळ्या वेळी आले तरी दोघंजण एकत्र सुट्टया घालवण्यासाठी मालदीवला रवाना झाले आहेत. त्यामुळे पुन्हा एकदा त्यांच्या नात्याची चर्चा होऊ लागली आहे.

सुट्ट्यांसाठी मालदीवला रवाना झालं कपल
लव्हबर्ड्स विजय देवरकोंडा आणि रश्मिका मंदाना मुंबई विमानतळावर दिसले. त्यावेळी तिथं असलेल्या फोटोग्राफर्सनी त्यांचे फोटोही काढले. दोघंही वेगवेगळ्या वेळेला विमानतळावर आले तरी त्यांचं जाण्याचं ठिकाण एकच होतं ते म्हणजे मालदीव. यावेळी विजय आणि रश्मिका ट्रॅवल लुकमध्ये होते. रश्मिकानं पँट आणि टीशर्ट घातला होता तर विजयनं देखील बॅगी पँट आणि टी शर्ट घातला होता.

दोघं दिसतात कायम एकत्र

विजय आणि रश्मिका अनेकदा जिम पासून डेट्स नाईट्सला पार्टीला एकत्र दिसतात. याशिवाय दोघांनी नवीन वर्षाचं स्वागत देखील एकत्र केलं होतं. गीत गोविंदम आणि डियर कॉमरेड यांसारख्या सिनेमांत काम केल्यानंतर रश्मिका मंदाना आणि विजय देवरकोंडा यांच्यात असलेल्या केमेस्ट्रीची कायम चर्चा आहे. त्यांचा एकमेकांना असलेला पाठिंबा, मैत्री, सतत होणाऱ्या भेटी-गाठी यांमुळे त्यांच्या नात्यावर कायम चर्चा असते. अर्थात त्या दोघांच्या मते ते फक्त एकमेकांचे मित्र आहेत.

विजयबद्दल रश्मिका म्हणते…
सध्या विजय आणि रश्मिका त्यांच्या डेटिंग आणि अफेअरमुळे चर्चा आहे. परंतु या दोघांनी ते एकमेकांचे फक्त मित्र असल्याचं सांगत या चर्चांना तूर्तास तरी पूर्णविराम दिला आहे. परंतु ते एकमेकांना डेटिंग करत असल्याचं त्यांनी कधीच नाकारलं नाही. एका मुलाखतीमध्ये सांगितलं होतं की, ‘विजय आणि मी खूप सिनेमांत एकत्र काम केलं आहे. त्यामुळे आमच्यात मैत्रीचं असं छान नातं आहे. त्या नात्यामध्ये खूप सारं प्रेम आहे. परंतु इंडस्ट्री कशी आहे, हे आपल्या सगळ्यांनाच माहिती आहे. त्यामुळे तुम्ही एकाच व्यक्तीबरोबर काम केलं, त्याच्याशी तुमची छान मैत्री होते. तसेच आम्ही दोघं एकमेकांचे चांगले मित्र आहोत. आमच्या मैत्रीत असलेलं प्रेम आहे…’

आमच्या दोघांचं नातं खूप सुंदर आहे-विजय
रश्मिका मंदाना हिला विजय डार्लिंग म्हणथो. त्यावर एका मुलाखतीमध्ये त्याला विचारलं असता त्यानं सांगितलं की, ‘आम्ही दोघांनी दोन सिनेमे एकत्र केले आहेत. ती खूप छान आहे. माझी ती खूप छान मैत्रिण आहे आणि ती मला आवडते. सिनेमांमुळे आम्ही एकमेकांच्या जास्त जवळ आलो आहेत. त्यामुळे आमच्यातील नातंही खूप दृढ झालं आहे.’

विजय आणि रश्मिकाचे सिनेमे
दरम्यान कामाबद्दल सांगायचं तर रश्मिका मंदाना हिनं अमिताभ बच्चन यांच्याबरोबर गुडबाय या सिनेमात काम केलं आहे. हा सिनेमा आज प्रदर्शित झाला आहे. हा तिचा पहिलाच हिंदी सिनेमा आहे. लायगर सिनेमा अपयशी ठरल्यानंतर विजय लवकरच आणखी एका सिनेमाच्या चित्रीकरणाला सुरुवात करणार आहे. सध्या त्याच्याकडे सामंथा रुथ प्रभू हिच्याबरोबर कुशी नावाचा तेलुगु सिनेमा आहे.