Remedy for Coughing At Night : तुम्हालाही नेमका रात्रीचाच येतो जीवघेणा खोकला? मग झोपण्याआधी करा हे 5 सोपे उपाय

Remedy for Coughing At Night : तुम्हालाही नेमका रात्रीचाच येतो जीवघेणा खोकला? मग झोपण्याआधी करा हे 5 सोपे उपाय

रात्री झोपताना अचानक खोकला सुरू झाला तर पूर्ण झोप खराब होते. मात्र, पुन्हा झोप लागली की सकाळी ही गोष्ट लक्षातही राहत नाही आणि मग खोकल्यावर उपचारही आपण करत नाही. पण तुम्हाला माहित आहे का की झोपताना येणारा खोकला अनेक गंभीर आजारांचे संकेत असू शकतो.

एनसीबीआयच्या मते, रात्रीचा खोकला हा दमा (Asthma), ब्राँकायटिस किंवा श्वासोच्छवासाच्या संसर्ग यासारखे श्वसनाच्या आजाराची लक्षणे असू शकतात.

यासोबतच, जर तुम्हाला ऍसिडिटी किंवा जीईआरडी (GERD) सारखी पचनाची समस्या असेल तर यामुळे तुम्हाला रात्री खोकल्याचा त्रास होऊ शकतो. याशिवाय वातावरणात असलेली धूळ, बुरशी, मॅट्रेस माइट्स इत्यादी ऍलर्जीक घटक देखील खोकल्याला कारणीभूत ठरतात. जर खोकला रात्रीच्या वेळी सतत होत असेल आणि तो स्वतःहून निघून जात नसेल तर डॉक्टरकडे जाणं गरजेचं लागेल किंवा खोकला कमी करण्यासाठी येथे सांगितलेले काही घरगुती उपाय करून पाहावे लागतील.

झोपण्याआधी मिठाच्या पाण्याने गुळण्या करा

NIH च्या मते, घशातील खवखव किंवा जळजळ कमी करण्यासाठी मिठाच्या पाण्याने गुळण्या करणे फायदेशीर ठरते. हे घशातील अवांछित कण आणि रोगजनकांना बाहेर काढण्यात आणि संक्रमण दूर करण्यासाठी किंवा नियंत्रित करण्यात देखील मदत करते. अशा परिस्थितीत जर तुम्हाला रात्रीच्या खोकल्याचा त्रास होत असेल तर दररोज रात्री मिठाच्या पाण्याने गुळण्या करूनच झोपा.

इसेंशियल ऑइल

इसेंशियल ऑइल खोकला, ब्राँकायटिस, ब्रॉंकियोलाइटिस आणि इतर वरच्या श्वसनमार्गाच्या संसर्गाची लक्षणे कमी करण्यास मदत करू शकतात. जाड बडीशेप, कडू बडीशेप, निलगिरी, पुदिना या वनस्पतींपासून तयार केलेले तेल खोकला कमी करण्यासाठी खूप फायदेशीर मानले जाते. दररोज रात्री झोपण्यापूर्वी पाण्यात निलगिरी किंवा पुदिन्याच्या तेलाचे काही थेंब टाका आणि त्या पाण्याने वाफ घ्या. यामुळे खोकल्यापासून आराम मिळेल.

मध आणि लिंबू

झोपण्यापूर्वी मधात लिंबू मिक्स करून प्यायल्याने घसा शांत होतो आणि जळजळ व खवखव कमी होते. हे खोकल्यावरील औषधाप्रमाणेच परिणाम देते. पण लहान मुलांना ते देऊ नये याची काळजी घ्या.

नेतिक्रिया

हा एक योग-आधारित उपचार आहे आणि हठयोगाच्या सहा शुद्धीकरण तंत्रांपैकी किंवा षट्कर्मांपैकी एक आहे. यासाठी नेती पॉट वापरला जातो. त्या पॉटमध्ये कोमट खारट पाणी भरले जाते आणि ते एका नाकपुडीतून आत घातले जाते आणि दुसऱ्या नाकपुडीतून बाहेर काढले जाते.

आल्याचं सेवन

कोरडा किंवा दम्याचा खोकला आले कमी करू शकते. कारण त्यात सूजन-विरोधी गुणधर्म असतात. मळमळ आणि वेदना कमी करण्यासाठी देखील हे उपयुक्त आहे. हे जेवणात घालून खाऊ शकता किंवा आल्याचा चहा बनवून प्यायल्यानेही आराम मिळतो.

टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक माहितीसाठी नेहमी आपल्या डॉक्टरांशी संपर्क साधा.